Morgunblaðið fagnaði 100 ára afmæli sínu með miklum glæsibrag í Hörpu í gærkvöldi. Um 1.200 manns fögnuðu með stjórnendum og starfsfólki blaðsins og var gleðin við völd eins og sést á myndunum. Það er óhætt að segja að um flottasta partí ársins hafi verið að ræða enda ekki á hverjum degi sem fjölmiðill fagnar slíkum árafjölda. 

Óskar Magnússon, útgefandi Morgunblaðsins, hélt ræðu og bauð gesti velkomna og svo steig Davíð Oddsson ritstjóri í ræðustólinn og rifjaði upp skemmtileg atvik úr sögu blaðsins.

Boðið var upp á glæsilegar veitingar í föstu og fljótandi formi. Í lok afmælisins steig hljómsveitin Í svörtum fötum á svið og sá til þess að engum leiddist.