Austurhöfn iðar af mannlífi. Á dögunum opnaði mathöllin Hafnartorg Gallery og var því fagnað með glæsilegri veislu. Í þessari nýju og fersku mathöll er að finna 11 veitingastaði sem eiga það sameiginlegt að bjóða upp á heillandi rétti sem er afgreiddir á stuttum tíma.
Mathöllin er fallega innréttuð og er hún hlýleg þrátt fyrir að það sé kannski ekki gert ráð fyrir að fólk verji mörgum klukkutímum þar.
Eins og sést á myndunum var margt um manninn í opnunarteitinu. Unnur Birna Vilhjálmsdóttir lét sig ekki vanta og það gerði heldur ekki Sigurjón Sighvatsson. Til þess að gera stemninguna ennþá betri spilaði Högni Egilsson á píanóið og Guðmundur Óskar plokkaði bassann.