Kona í Bretland hefur ekki fengið frið í kórónuveirufaraldrinum vegna kynlífsóhljóða í nágrannakonu sinni. Hún kvartaði meira að segja til yfirvalda í Manchester þar sem hún býr en fékk þau svör að lætin teldust eðlileg. 

Í viðtali við Manchester Evening News sagði konan, sem á þrjú börn á aldrinum eins til fjögurra ára, að nágrannakona hennar gerði líf hennar ömurlegt. 

„Þetta er öll kvöld, þetta hræðilegt,“ sagði móðirin. Hún segir nágrannakonuna stunda hávært kynlíf á hverju kvöldi. Fyrir kórónuveirufaraldurinn var þetta ekki svo mikið en nú virðist sem nágrannakonan reyni að drepa tímann með kynlífi. „Ég held að hún búi ein en einhver kemur á hverju kvöldi.“

Konan býr í íbúð með þremur svefnherbergjum en segist ekki geta notað herbergið sem liggur að íbúð konunnar. Hún segist hafa reynt að senda konunni skilaboð auk þess sem hún hefur reynt að tala við hana án árangurs. 

Konan kvartaði fyrst í júlí. Yfirvöld sendu þó nágrannakonunni bréf tvisvar. Ekki er hægt að gera neitt meira. „Ég talaði við þau vegna kynlífslátanna og þau sögðu að ekkert væri hægt að gera vegna þess að þetta væri eðlilegur hávaði,“ sagði konan sem veit ekki hvað hún á til bragðs að taka.

Það er ekki svefnfriður fyrir nágrannakonunni. mbl.is/Thinkstockphotos

Tengdar fréttir

Samskipti kynjanna

Hafrún og Sigmar ástfangin í eitt ár

• Ester og Björgvin eru nýtt par
• Kvæntist ástinni eftir 22 ára samband
• Margt fólk yfir 35 ára ósátt við líf sitt
• Vilja að karlmaðurinn sjái um bílinn og taki bensín

» Fleiri tengdar fréttir

• Blogga um frétt