Sagði upp í bankanum og sér ekki eftir því

Fátt stoppar athafna- og veitingamanninn Jóhannes Ásbjörnsson sem lengi vel var vinnu- og viðskiptafélagi Sigmars Vilhjálmssonar. Þeir létu ekki alþjóðlega fjármálakreppu stöðva sig og komu á fót glænýjum veitingastað, Hamborgarafabrikkunni, árið 2010. 

„Í kreppuástandi er oft ágætt að fara af stað með eitthvað nýtt, ef þú getur látið það gerast,“ segir Jói í stórskemmtilegu viðtali við Loga Bergmann í nýjasta þættinum af Með Loga sem kemur í Sjónvarp Símans Premium á fimmtudaginn. 

Í meðfylgjandi myndbroti lýsir Jói aðstæðunum sem þeir voru í með Hamborgarafabrikkuna þegar engin starfsemi var í 20 hæða nýbyggðum og ísköldum turninum á Höfðatorgi nema þessi eini veitingastaður.  

mbl.is