Kom á óvart í gulum kjól

Meghan hertogaynja kom á óvart í gærkvöldi þegar hún klæddist gulum síðum kjól. Hertogaynjan var bersýnilega í sumarskapi en hún hefur hingað til verið þekkt fyrir að klæðast hlutlausum litum. Í rauninni hafði Meghan ekki sést í öðru en ljósu og bleiku síðan hún gekk formlega í bresku konungsfjölskylduna. 

Frétt af mbl.is

Af hverju bara bleikt og hvítt Meghan?

Hvort sem hún tók umfjöllunina um hvítu og bleiku fötin til sín eða ekki þá leit hún afar vel út í síðum þröngum kjól. Kjóllinn er frá Brandon Maxwell en hann skaust upp á stjörnuhimininn í tískuheiminum fyrir að vera stílisti Lady Gaga. Melania Trump, forsetafrú Bandaríkjanna, klæddist kjól í sama sniði frá hönnuðinum í vetur. 

Frétt af mbl.is

Hlébarðamynstur leyfilegt í Hvíta húsinu

Kjóllinn var fáanlegur á netversluninni Moda Operandi en er að sjálfsögðu uppseldur eins og annað sem hertogaynjan klæðist. Upphaflega kostaði kjóllinn 1.392 pund eða rétt tæpar 200 þúsund krónur en virðist hafa verið kominn á 50 prósent afslátt í lokin. 

Meghan hertogaynja og Harry Bretaprins. AFP

• Blogga um frétt