Jenna Huld Eysteinsdóttir, húðlæknir hjá Húðlæknastöðinni, svarar spurningum lesenda Smartlands. Hér fær hún spurningu um val á sólarvörn. 

Sæl Jenna. 

Ég er að fara til Marokkó þar sem sólin er sterk. Er sólarvörn með SPF-þætti 50 betri en sólarvörn með SPF-þætti 30? Eða skiptir það engu máli?

Kveðja, K

Jenna Huld Eysteinsdóttir, húðlæknir hjá Húðlæknastöðinni.

Sæl K.

Já að vissu leyti. Það er ekki svo mikill munur á SPF 30 og 50 sólarvörn ef hún er borin á í þykku lagi. Þá verndar sólarvörn með SPF 30 um 96-97% gegn geislum sólarinnar á meðan sólarvörn með SPF 50 verndar um 98%. Rannsóknir hafa aftur á móti sýnt að það er bara um fjórðungur sem notar þykkt lag eins og á að gera og flestir smyrja allt of þunnt á sig. Þá er stór munur á því að bera á sig sólarvörn með SPF 30 eða SPF 50, þar sem 50 verndar mun betur. Ég mæli alltaf með notkun á sólarvörn með SPF50 eða hærri, aldrei lægri en SPF30.

Kveðja, 

Jenna Huld Eysteinsdóttir, húðlæknir á Húðlæknastöðinni. 

Liggur þér eitthvað á hjarta? Þú getur sent Jennu Huld póst HÉR. 

Tengdar fréttir

Spurðu húðlækninn

Er þetta rósroði eða eitthvað allt annað?

• Hvernig er hægt að losna við poka undir augum?
• Eldist fólk hraðar sem vinnur fyrir framan tölvu?
• Er hægt að laga húðskemmdir eftir ljósabekki?
• Hvað getur fólk gert til að koma í veg fyrir sortuæxli?

» Fleiri tengdar fréttir

• Blogga um frétt