Samkvæmt heimildarmanni People er Katrín hertogaynja af Cambridge að vinna að því að breyta stílnum sínum. „Katrínu leið eins og hún væri föst í ákveðnum stíl og langaði til að vera aðeins meira ögrandi. Hún hefur unnið í því að yngja upp stílinn sinn og reynt að vera aðeins nútímalegri,“ segir heimildarmaðurinn.

Katrín hefur klæðst fleiri sumarkjólum þetta sumarið og kjólum með stuttum ermum. Í skírn Archie Harrison litla klæddist hún bleikum kjól frá Stellu McCartney, sem fellur klárlega að þeim stíl sem hún og stílistinn hennar Natasha Archer hafa reynt að ná.