Stjörnurnar voru mættar í sínu fínasta pússi þegar People's Choice Awards fór fram á sunnudaginn. Gegnsætt var áberandi á rauða dreglinum sem og flegnar flíkur. Einnig fór mikið fyrir stuttum kjólum og pilsum. 

Klæðnaður söngkonunnar Gwen Stefani stóð upp úr á hátíðinni en það var vel við hæfi þar sem Stefani fékk verðlaun fyrir tísku. Stefani mætti í áberandi stórum hvítum kjól frá Veru Wang. Kjóllinn var stuttur að framan en síður að aftan. Við kjólinn var hún í netasokkabuxum og háum stígvélum.