Franska tískuhúsið Balmain var stofnað af Pierre Balmain árið 1945. Síðan þá hefur tískuhúsið vaxið og dafnað.

Í vorlínunni er að finna blaserjakka með gulltölum sem kemur í nokkrum litum. Jakkinn er ákaflega klæðilegur en hann beinir athyglinni að mittislínunni sem er römmuð inn með réttu sniði og gulltölum.

Hægt er að fá buxur við jakkann og minna þær mikið á buxur níunda áratugarins þegar enginn var maður með mönnum nema skarta veglegum fellingum framan á buxunum. Það sem er áhugavert við þennan Balmain-jakka er að viðskiptakonur eru sjúkar í hann. Þær nota hann gjarnan við gallabuxur og skyrtu og sleppa buxum níunda áratugarins. Hægt er að fá svipaða jakka frá tískukeðjum sem selja fjöldaframleiddan fatnað.

Á dögunum prýddi Rannveig Rist forsíðu Sunnudagsmoggans og klæddist hún slíkum jakka í myndatökunni.