Ef það er eitthvað sem getur hresst fataskápinn þinn við í sumar þá eru það litrík pils. Í verslunum landsins er að finna margar útgáfur af síðum, þunnum og víðum pilsum. Pilsum með plíseringum eða rykkingum sem lyfta þér upp!

En í hvað á kvenpeningurinn að fara við víðu pilsin? Erlendar tískuskvísur nota mikið hvíta stuttermaboli við pilsin en svo má alveg fara í magabol eða skyrtu. Aðalmálið er að hafa efri partinn svolítið unglegan svo þú lítir ekki út fyrir að vera á leið í gömlu dansana (með fullri virðingu fyrir þeim).