Flestar kvenkyns verur upplifa sig naktar ef þær eru ekki með maskara. Það er því ekki að undra að augnháralengingar hafa verið jafnvinsælar síðustu ár og raun ber vitni. Það er því alltaf fagnaðarefni þegar nýr maskari lítur dagsins ljós. Franska snyrtivörumerkið Lancôme er með þetta á hreinu og kynnir nú byltingarkenndan maskara sem heitir Lash Idôle. Þessi maskari þykkir augnhárin án þess að þau verði klessuleg. Maskarinn aðskilur og greiðir vel úr augnhárunum líkt og fólk væri með augnháralengingu. Hann inniheldur gelkennda formúlu sem endist í allt að 24 klukkustundir og er með sveigðum gúmmíbursta.

Formúlan inniheldur meðal annars þykkni úr hvítu tei sem er þekkt fyrir róandi eiginleika sína, fjórum sinnum minna vax en í hefðbundnum maskara sem gerir það að verkum að augnhárin verða meðfærilegri, sveigðari og litarefnin svartari.

Á tímum eins og núna þegar gríma er staðalbúnaður er ekki vitlaust að dekra við augnsvæðið og gera augun áhrifameiri og augnhárin ýktari.

Tengdar fréttir

Snyrtibuddan

Smekklegustu konur landsins frískuðu upp á húðina

• Vítahringur sem auðvelt er að stöðva
• Farðaðu þig eins og Angelina Jolie
• Nýtt augnkrem frá BIOEFFECT komið á markað
• Helga deilir bestu förðunar- og hártrixum sínum fyrir flug

» Fleiri tengdar fréttir