Í haustlínunni eru augnblýantar sem má leika sér með á marga vegu. Það er hægt að setja hann inn í augnkrókinn og nota einan og sér með maskara eða bera hann á augnlokið og dreifa úr honum og setja svo örlítinn sanseraðan augnskugga yfir. Í þessari haustlínu mætast tveir heimar; matti heimurinn og glansheimurinn. Í línunni eru fljótandi augnskuggar, Ombre Premiére Gaque Lamé í fjórum litum; Acier, Pourpre, Bronze og Ivoire.
Þrjú ný naglalökk er að finna í línunni en það eru litirnir Le Vernis Brun Fumé, Le Vernis Rouge Brun, Le Vernis Beige Cendré og Le Vernis Terre Brulée.
Málaðu augun með möttum blýanti og settu sanseraðan augnskugga yfir, settu á þig þykkt lag af maskara, blýant inn í augun og nýtt naglalakk og vittu til. Þú munt hressast um allavega 23%.