Söngkonan Lady Gaga klæddist hinum sögufræga kjötkjól á MTV tónlistarverðlaunahátíðinni árið 2010. Innblásturinn að kjólnum kom frá Val Garland sem starfaði sem förðunarfræðingur Lady Gaga í mörg ár.
Hrátt nautakjöt var saumað saman við gerð kjólsins. „Þetta var reyndar hugmynd Val Garland. Förðunarfræðingsins Vals Garlands,“ sagði Lady Gaga í nýju viðtali við breska Vogue að því fram kemur á vef Cosmopolitan. „Við unnum saman lengi og hún sagði mér frá því þegar hún fór í partí klædd pulsum og mér fannst það fyndið. „Það er mjög góð hugmynd til þess að passa að enginn komi nálægt þér í partíinu,“ sagði ég.“
Það var argentínski hönnuðurinn Franc Fernandez sem hannaði kjólinn út frá hugmyndinni sem kom frá Lady Gaga og hennar teymi. Hönnuðurinn Brandon Maxwell vann sem stílist fyrir Lady Gaga á þessum tíma og hjálpaði henni baksviðs. „Hann var vegan og hjálpaði mér samt að sauma alla þessa síðustu bita af kjöti á mig og gerði kjöthattinn minn og kjötveskið mitt sem Cher hélt á. Ég lyktaði eins og kjöt.“