Smartland Mörtu Maríu | Tíska | mbl | 19.4.2022 | 16:42

Í gallabuxum eins og almúgakona

Meghan hertogaynja var í stuði í Hollandi. AFP/ Remko de Waal

Meghan hertogaynja af Sussex klæddist eins og venjuleg kona frá Kaliforníu þegar hún fór til Hollands á dögunum með eiginmanni sínum, Harry Bretaprins. Hún var auðvitað með nokkrar flíkur af dýrari gerðinni en var ekki undir ströngu eftirliti bresku konungsfjölskyldunnar.

Var haft á orði að Meghan væri nær sínum gamla stíl. Þegar hún giftist Harry Bretaprins árið 2018 þurfti hún að fara eftir ákveðnum reglum. Á Invictus-leikunum í ár var Meghan meðal annars í gallabuxum, flegnum jakka og stuttum kjól.

Meghan klæddist ljósum mömmugallabuxum frá Moussy Vintage. Við gallabuxurnar var hún í svörtum dragtarjakka frá Celine.

Meghan í svörtum jakka og ljósum gallabuxum. AFP/ Remko de Waal

Hún var einnig með dökkar þröngar gallabuxur. Ljósi jakkinn sem hún klæddist við gallabuxurnar var frá Brandon Maxwell.

í hvítum jakka og dökkum gallabuxum. AFP

Meghan var einnig með betri fötin með sér og á hátíðarviðburði var hún í einstaklega fallegum samfestingi frá Khaite.

Megahn og Harry í hátíðarfötum. AFP/Koen van Weel

Bandaríska hertogaynjan var dívulega í hvítri útvíðtri buxnadragt frá Valentino. Jakkinn var tvíhnepptur og fleginn en Meghan var ekki í skyrtu innanundir eins og hún hefði mögulega gert ef hún hefði enn verið starfandi fyrir bresku konungsfjölskylduna.