Kryddpían Mel B, 48 ára, er andlit nýrrar auglýsingaherferðar fyrir breska sund- og undirfatamerkið Pour Moi. Hún situr fyrir á nýjum og glæsilegum myndum ásamt elstu dóttur sinni, Phoenix Chi, 24 ára, og móður sinni, Andreu Brown, 65 ára.
Kvenkynslóðirnar voru ljósmyndaðar saman og í sitthvoru lagi í nokkrum mismunandi sund- og undirfatasettum fyrir Own Your Confidence–línuna en hún snýst öll um það að finna sjálfstraustið, láta sér líða vel í eigin líkama og fagnar konum af öllum stærðum, gerðum og aldri,“ sagði Mel B við tímaritið Women's Health.
Kryddpían deildi einnig færslu með fylgjendum sínum á Instagram en þar birti hún myndaseríu úr tökunni. „Hjá mér snýst þetta allt um stelpukraftinn eins og þið vitið. Þegar @pourmoiltd leitaði til mín vegna herferðarinnar, vissi ég um leið að ég þyrfti að verða hluti af henni. Það er kominn tími til að dreifa þessum jákvæðu straumum og styrkja hver aðra til að sýna sitt sanna sjálf,“ skrifaði söngkonan.
„Mér fannst svo gaman að fá að gera þetta með dóttur minni og mömmu minna. Að fá að sýna hvernig þú getur verið örugg, þægileg og stórkostleg í glæsilegum undirfötum, sundfötum og strandfatnaði.“