Það er óhætt að segja að það sé vor í lofti – sólin skín og páskarnir eru rétt handan við hornið. Þótt hitatölurnar leiki ekki endilega við landsmenn getum við alltaf bætt smá hlýju inn í lífið með fallegum og sumarlegum litum, hvort sem það er í klæðnaði, á heimilið eða jafnvel með snyrtivörum!
Á óskalista vikunnar finnur þú tíu sumarlegar og glaðlegar vörur sem gera biðina eftir hærri hitatölum bærilegri.
Mörg tegnum við kandífloss við sumarið enda eiga flestir minningar af sér með klístraða fingur eftir kandíflossát á sumarhátíðum. Æfingafötin verða því ekki sumarlegri en þetta flotta sett frá Aim'n, en það er í litnum Cotton Candy, eða kandífloss, og kemur þér í sumargír á mettíma!
Bættu smá litagleði inn á heimilið með handgerðu keramiki eftir Heklu Nínu. Línuna kallar hún Sommerfest og samanstendur af sérlega fallegum og litríkum munum eins og bollum, diskum og undirskálum, sem fegra hvaða matarborð sem er!
Þessi fagurgræni toppur er ekki bara guðdómlegur á litinn heldur líka með trylltu sniði sem fangar augað. Það er auðvelt að fríska upp á fataskápinn fyrir vorið með honum!
Tónlistarkonan Laufey Lín Jónsdóttir er ein best klædda kona landsins, en hún elskar svokallaða ballerínuskó og við gerum það að sjálfsögðu líka!
Þú slærð tvær flugur í einu höggi með þessari blússu, en hún er bæði falleg og þægileg. Svo er liturinn fullkominn fyrir vorið og sumarið!
Það þarf oft bara að bæta smá litagleði við lúkkið til að lyfta stemningunni upp. Það er auðvelt að gera það með þessum fallegu hárklemmum sem gleðja sannarlega augað.
Það er alltaf jafn gaman að draga fram kjólana og pilsin með hækkandi sól, en þessi kjóll er algjör draumur fyrir sumarið!
Þessi formfagri vasi frá House Doctor gefur heimilinu ferskan blæ, en honum er auðvelt að koma fyrir í nánast hvaða rými sem er þar sem bleiki liturinn tónar vel við margt.
Hvern dreymir ekki um að skarta ljómandi og sólkysstri húð í sumar? Það er tilvalið að byrja undirbúninginn strax, en þessi maski er hreinsandi en gefur húðinni um leið þennan eftirsótta ljóma sem allir eru að tala um!
Það er gaman að geta fest dýrmætar minningar á filmu og ekki verra að gera það með þessari falegu fjólubláu myndavél!