Ísland leikur gegn Rúmeníu á heimavelli í umspilinu fyrir lokakeppni EM karla í knattspyrnu. Leikurinn fer fram 26. mars.
Liðið sem hefur betur í þeirri viðureign leikur á útivelli 31. mars gegn sigurvegaranum úr viðureign Búlgaríu og Ungverjalands. Einnig var dregið um það en drátturinn fór fram hjá UEFA klukkan 11.
Ekki liggur fyrir hvort heimaleikur Íslands geti farið fram á Íslandi þegar þar að kemur né hvert leikurinn verður þá færður ef til þess kemur.
Ísland mætir Þýskalandi í München í lokakeppninni næsta sumar fari svo að Ísland komist þangað. Ísland verður sem sagt í F-riðli á EM takist Íslandi að vinna sér sæti í lokakeppninni í gegnum umspilið.
Undanúrslit:
Georgía – Hvíta-Rússland
Norður-Makedónía – Kósóvó
Undanúrslit:
Skotland – Ísrael
Noregur – Serbía
Undanúrslit:
Bosnía – Norður-Írland
Slóvakía – Írland
Undanúrslit:
Ísland – Rúmenía
Búlgaría – Ungverjaland