Unglingalandsliðsmaðurinn Arnar Númi Gíslason er genginn í raðir Breiðabliks frá Haukum. Arnar Númi er fæddur árið 2004 og er sóknarsinnaður leikmaður.
Arnar Númi hefur þrátt fyrir ungan aldur leikið fjóra leiki með meistaraflokki Hauka, en hann á einnig fjóra leiki að baki með U17 ára landsliði Íslands.
„Breiðablik þakkar Knattspyrnudeild Hauka fyrir góð samskipti og fagleg vinnubrögð í kringum félagaskiptin. Blikar bera mikla virðingu fyrir því öfluga og góða starfi sem unnið er hjá Haukum,“ segir í yfirlýsingu Breiðabliks.