„Stórt hrós á Selfyssingana að krækja í Sif [Atladóttur] og Bjössa [Björn Sigurbjörnsson] og að fá svona risa er ómetanlegt,“ sagði Bryndís Lára Hrafnkelsdóttir, fyrrverandi markvörður KA/Þórs og ÍBV meðal annars, þegar rætt var um Selfoss í upphitunarþætti Dagmála fyrir Bestu deild kvenna í knattspyrnu sem hefst á þriðjudaginn.
Þær Bryndís, Harpa Þorsteinsdóttir, fyrrverandi landsliðskona, og Helena Ólafsdóttir, umsjónarmaður Bestu markanna á Stöð 2 Sport, voru sérfræðingar þáttarins.
„Þetta er stór plús fyrir leikmennina því þeir geta farið pressulausir inn í mótið þar sem pressan er öll á Bjössa og Sif enda er búist við miklu af þeim tveimur,“ sagði Bryndís meðal annars.