Chelsea í 2. sætið - Liverpool tapaði - Baulað á leikmenn Arsenal

Sami Hyypia varnarmaður Liverpool reynir að stöðva Jeremie Aliadiere.
Sami Hyypia varnarmaður Liverpool reynir að stöðva Jeremie Aliadiere. Reuters

Chelsea er komið upp í annað sætið í ensku úrvalsdeildinni eftir 2:1 sigur á Wigan í dag. Liverpool tapaði fyrir Middlesbrough á Riverside, 2:0, og Arsenal varð að láta sér lynda markalaust jafntefli gegn Fulham á heimavelli.

Eftir frábæran sigur gegn Real Madrid á Santiago Bernabeu í Meistaradeildinni í vikunni varð Liverpool að sætta sig við 2:0 tap gegn Middlesbrough og þar með fuku væntanlega titilvonir liðsins út í veður og vind. Fyrra markið var sjálfsmark frá Xabi Alonso og Tuncay innsiglaði frábæran sigur Middlesbrough og fyrsta deildarsigurinn í 15 leikjum.

Liverpool hefur gengið illa á Riverside en liðið hefur ekki fagnað sigri á þeim velli síðan árið 2002. Steven Gerrard var í 300. sinn í byrjunarliði en fyrirliðinn fór af velli með krampa í fæti stundarfjórðungi fyrir leikslok.

Frank Lampard var enn einn ganginn hetja Chelsea þegar liðið sigraði Wigan, 2:1, á Stamford Bridge. Lampard skoraði sigurmarkið með skalla af stuttu færi undir lok leiksins og tyggði sínum mönnum stigin þrjú og annað sætið í deildinni. John Terry skoraði fyrra mark Chelsea með glæsilegu skoti en Oliver Kapo jafnaði metin fyrir Wigan tíu mínútum fyrir leikslok.

Markalaust jafntefli varð niðurstaðan í leik Arsenal og Fulham á Emirates Stadium og bauluðu stuðningsmenn Arsenal á leikmenn liðsins þegar þeir gengu af leikvelli.  Þetta var fjórða markalausa jafnteflið hjá Arsenal í röð og liðið er í fimmta sæti, fimm stigum á eftir Aston Villa sem á leik til góða.

Middlesbrough - Liverpool bein lýsing

Arsenal - Fulham bein lýsing

Chelsea - Wigan bein lýsing


Steven Gerrard er kominn í byrjunarliðið á ný.
Steven Gerrard er kominn í byrjunarliðið á ný. Reuters
mbl.is

Bloggað um fréttina

L M Stig
1 Úrúgvæ 3 5:0 9
2 Rússland 3 8:4 6
3 Sádi-Arabía 3 2:7 3
4 Egyptaland 3 2:6 0
L M Stig
1 Spánn 3 6:5 5
2 Portúgal 3 5:4 5
3 Íran 3 2:2 4
4 Marokkó 3 2:4 1
L M Stig
1 Frakkland 3 3:1 7
2 Danmörk 3 2:1 5
3 Perú 3 2:2 3
4 Ástralía 3 2:5 1
L M Stig
1 Króatía 3 7:1 9
2 Argentína 3 3:5 4
3 Nígeria 3 3:4 3
4 Ísland 3 2:5 1
L M Stig
1 Brasilía 3 5:1 7
2 Sviss 3 5:4 5
3 Serbía 3 2:4 3
4 Kostaríka 3 2:5 1
L M Stig
1 Svíþjóð 3 5:2 6
2 Mexíkó 3 3:4 6
3 Suður-Kórea 3 3:3 3
4 Þýskaland 3 2:4 3
L M Stig
1 Belgía 3 9:2 9
2 England 3 8:3 6
3 Túnis 3 5:8 3
4 Panama 3 2:11 0
L M Stig
1 Kólumbía 3 5:2 6
2 Japan 3 4:4 4
3 Senegal 3 4:4 4
4 Pólland 3 2:5 3
Sjá alla riðla