Íþróttir | Enski boltinn | mbl | 20.1.2016 | 21:53

Liverpool vann þægilegan sigur

Mynd 1 af 5 Joe Allen, leikmaður Liverpool, fagnar marki sínu gegn Exeter í kvöld. AFP

Mynd 2 af 5 Joe Allen og Brad Smith fagna marki Allen fyrir Liverpool gegn Exeter í kvöld. AFP

Mynd 3 af 5 Alex Nicholls, leikmaður Exeter og Kevin Stewart, leikmaður Liverpool, berjast um boltann í leik liðanna í kvöld. AFP

Mynd 4 af 5 Jürgen Klopp, knattspyrnustjóri Liverpool spjallar við kollega sinn hjá Exeter, Paul Tisdale. AFP

Mynd 5 af 5 Jürgen Klopp, knattspyrnustjóri Liverpool, brosmildur á hliðarlínunni í kvöld. AFP

Liverpool mætti D deildarliðinu Exeter í þriðju umferð ensku bikarkeppninnar á Anfield, heimavelli Liverpool, í kvöld.

Leikurinn var nokkuð þægilegur fyrir heimamenn sem fóru með öruggan 3:0 sigur af hólmi.

Joe Allan kom Liverpool yfir með öðru marki sínu fyrir Liverpool á tímabilinu, en Allen tryggði Liverpool stig með jöfnunarmarki sínu gegn Arsenal fyrir sléttri viku.

Sheyi Ojo skoraði fyrsta mark sitt fyrir Liverpool á leiktíðinni og tvöfaldaði forystu Liverpool og Joao Carlos Teixeira rak síðan síðasta naglann í líkkistu Exeter.

Liverpool mætir West Ham í fjórðu umferð keppninnar á Anfield 30. janúar.

90. Leik lokið með 3:0 sigri Liverpool.

82. MARK. Liverpool - Exeter 3:0. Teixeira geirneglir sigur Liverpool með marki með skoti á nærstöngina eftir góðan undirbúning frá Christian Benteke.

72. MARK. Liverpoo - Exeter 2:0. Sheyi Ojo tvöfaldar forystu Liverpool með fyrsta marki sínu fyrir Liverpool á leiktíðinni. Ojo snýr boltann huggulega upp í fjærhornið með skoti af vítateigshorninu.

54. Jordan Ibe, leikmaður Liverpool, með bylmingsskot sem hafnar í þverslánnni og fer niður á línuna. Boltinn fer klárlega ekki inn.

50. Skipting hjá Liverpool. Connor Randall fer af velli og Jon Flanagan kemur inná í sínu fyrsta leik fyrir aðalliðið í háa herrans tíð.

46. Seinni hálfleikur er hafinn á Anfield.

45. Hálfleikur á Anfield.

19. Benteke, framherji Liverpool, með skalla yfir í dauðafæri eftir frábæra fyrirgjöf frá Teixeira.

10. MARK. Liverpool - Exeter 1:0. Joe Allen kemur Liverpool yfir með skoti af markteignum eftir laglegan undirbúning hjá Christian Benteke og Brad Smith. Þetta er annað mark Joe Allen á tímabilinu, en hann skoraði jöfnunarark Liverpool gegn Arsenal á dögunum.

4. Benteke, framherji Liverpool, með fyrsta skot leiksins, en það er laflaust og beint á Olejnik, markvörð Exeter sem ver auðveldlega.

1. Leikurinn er hafinn á Anfield.

0. Sigurvegari úr leik liðanna í kvöld mætir West Ham á Boleyn Ground, heimavelli West Ham í fjórðu umferð keppninnar.

0. Liðin þurfa að mætast á nýjan leik þar sem liðin gerðu 2:2 jafntefli á St. James' Park, heimavelli Exeter föstudaginn 8. janúar.

Byrjunarlið Liverpool: Mignolet, Randall, Ilori, Enrique, Smith, Brannagan, Allen, Stewart, Ibe, Teixeira, Benteke.

Byrjunarlið Exeter: Olejnik, Butterfield, Woodman, Ribeiro, Oakley, Holmes, Davies, Morrison, Nicholls, Moore-Taylor, Brown.