Knattspyrnumaðurinn Luke Shaw átti heldur leiðinlega endurkomu með enska landsliðinu í gærkvöldi er hann þurfti að fara af velli meiddur snemma í síðari hálfleik eftir þungt höfuðhögg í 2:1-tapi gegn Spáni á Wembley.
Shaw, sem var að spila sinn fyrsta landsleik í 17 mánuði, lenti í árekstri við Spánverjann Dani Carvajal og lá óvígur eftir. Um fimm mínútna töf var gerð á leiknum og bakvörðurinn var að lokum borinn af velli í hálsspelku og með súrefnisgrímu.
Höggið reyndist þó ekki alvarlegra en það að Shaw er á batavegi og verður ekki lengi frá. Hann mun þó ekki æfa með Englendingum í vikunni né taka þátt í leiknum gegn Sviss á þriðjudaginn kemur en það eru eðlilegar varúðarráðstafanir.
Thank you for all the love and support I am doing fine and am in the best hands. I’m a fighter so I will be back soon! ❤💪🏼
— Luke Shaw (@LukeShaw23) September 8, 2018