Enska úrvalsdeildarliðið West Ham hefur gefið út yfirlýsingu um að austurríski landsliðsmaðurinn Marko Arnautovic sé ekki til sölu.
Fregnir bárust af því í gærkvöld að ónefnt kínverskt lið hafi boðið West Ham 35 milljónir punda í sóknarmanninn en því tilboði var snarlega hafnað af forráðamönnum West Ham.
Arnautovic, sem er 29 ára gamall, kom til West Ham frá Stoke í júlí 2017. Hann er markahæsti leikmaður Lundúnaliðsins á tímabilinu, hefur skorað 8 mörk í 17 leikjum liðsins í öllum keppnum. Hann er samningsbundinn West Ham til ársins 2022.