Enska knattspyrnufélagið Liverpool hefur tilkynnt að Zelijko Buvac, sem hefur verið hægri hönd stjórans Jürgen Klopp, sé endanlega farinn frá félaginu. Sky greinir frá.
Buvac hefur verið aðstoðarmaður Jürgens Klopp síðustu 17 árin hjá Mainz, Dortmund og Liverpool. Orðrómur hefur verið uppi að kastast hafi í kekki á milli þeirra, en Buvac fór óvænt í frí síðastliðið vor, rétt áður en Liverpool mætti Roma í undanúrslitum Meistaradeildarinnar. Hann var hins vegar enn starfsmaður félagsins.
Nú hefur Liverpool hins vegar gefið það út að Bovac sé laus allra mála hjá félaginu, en Klopp fékk Pep Ljinders aftur til félagsins sem aðstoðarmann sinn í sumar.