Íþróttir | Enski boltinn | mbl | 10.11.2019 | 16:01

United upp um sjö sæti

Marcus Rashford skoraði eitt og fékk fullt af færum til að skora meira. AFP

Manchester United fór upp um sjö sæti með 3:1-sigri á Brighton á heimavelli í ensku úrvalsdeildinni í fótbolta. Liðið var í 14. sæti fyrir leikinn en er nú í sjöunda sæti með 16 stig.

United byrjaði af krafti og Andrea Pereira skoraði fyrsta markið á 17. mínútu. Anthony Martial sendi þá á Brasilíumanninn sem skaut í varnarmann og í netið. Aðeins tveimur mínútum síðar tvöfaldaði Davy Pröpper forskot United með sjálfsmarki. Staðan í hálfleik var því 2:0.

Brighton kom sér aftur inn í leikinn á 64. mínútu er Lewis Dunk skoraði með skalla eftir hornspyrnu. Það gerði hins vegar lítið annað en að kveikja í United-mönnum því tveimur mínútum síðar skoraði Marcus Rahsford þriðja markið.

United fékk fjölmörg færi til að skora fjórða markið og þá sérstaklega Rashford, en fleiri urðu mörkin ekki. Brighton er í ellefta sæti með 15 stig.

Wolves hafði betur gegn Aston Villa á heimavelli. Ruben Neves og Raúl Jímenez skoruðu mörk Úlfanna áður en Mahmoud Trezeguet minnkaði muninn fyrir Villa í blálokin.

Man. Utd	3:1	Brighton	Opna lýsingu Loka
90. mín. Marcus Rashford (Man. Utd) á skot framhjá Rashford gæti verið með þrennu. Sleppur aleinn í gegn en leggur boltann framhjá fjærstönginni.
Augnablik — sæki gögn...