Gæti stýrt Gylfa gegn United

Enska úrvalsdeildarfélagið Everton vill ganga frá ráðningu knattspyrnustjórans Vítors Pereira, áður en liðið mætir Manchester United næsta sunnudag. Viðræður á milli Pereira og Everton hafa staðið yfir síðustu vikuna, eftir að Marco Silva fékk reisupassann. 

Frétt af mbl.is

Gylfi aftur undir stjórn Portúgala?

Everton er reiðubúið að bjóða Pereira þriggja ára samning, en núverandi félag Pereira, Shanghai SIPG í Kína, hefur boðið honum nýjan samning á ótrúlegum launum. Everton getur hvergi nærri boðið eins há laun og kínverska félagið. Þrátt fyrir það gæti Pereira freistast til að samþykkja tilboð Everton til að stýra liði í ensku úrvalsdeildinni. 

Sky greinir frá því að Pereira hafi enn ekki ferðast til Englands og að fjölskylda Portúgalans sé til í að vera í Kína í að minnsta kosti eitt ár til viðbótar. Duncan Ferguson hefur stýrt Everton síðan Silva var rekinn og vann liðið 3:1-sigur á Chelsea síðasta laugardag, undir stjórn Skotans. 

• Blogga um frétt