Mike Gordon, framkvæmdastjóri fjárfestingafélagsins FSG, sem á meirihluta í enska úrvalsdeildarfélaginu Liverpool, komst í hann krappann í dag. Lenti hann í flugóhappi á John Lennon-flugvellinum í Liverpool, en slapp ómeiddur.
Einkaflugfél hans rann út af flugbrautinni við lendingu, en hann var eini farþeginn í vélinni, með tveggja manna áhöfn. Gordon var á leiðinni á fund með Jürgen Klopp, knattspyrnustjóra Liverpool, og starfsteymi hans.
Gordon vildi koma þökkum á framfæri til viðbragðsaðila sem komu honum til aðstoðar og þá var hann leiður yfir að ferðir annarra hefðu tafist.
Liverpool John Lennon Airport grounds all flights after private jet skids off runway @SkyNews pic.twitter.com/pBiOzd4RwG
— Thom O'Donnell (@Thom0Donnell) December 11, 2019