Rekinn frá BBC fyrir rasisma

Craig Ramage, fyrrverandi leikmaður Derby, Wigan og Watford, hefur verið rekinn frá BBC vegna rasískra ummæla er hann ræddi um leikmenn Derby eftir 1:1-jafntefli liðsins við Huddersfield í ensku B-deildinni á laugardag. 

Ramage var ósáttur við spilamennsku Max Lowe og Jayden Bogle en þeir eru báðir dökkir á hörund. „Þegar ég horfi á ákveðna leikmenn og líkamstjáningu þeirra, þá sést að það þarf að ná þeim aftur niður á jörðina.

Ég myndi segja það um ungu svörtu strákana í Derby,“ sagði Ramage í beinni útvarpsútsendingu. 

Lowe svaraði ummælunum á Instagram þar sem hann fordæmdi þau og félagið gerði slíkt hið sama í yfirlýsingu. Phillip Cocu, knattspyrnustjóri Derby, sagði ummælin óafsakanleg. 

• Blogga um frétt