Arsenal vann sinn fyrsta sigur í ensku úrvalsdeildinni í fótbolta eftir að deildin fór af stað á ný eftir kórónuveiruhlé er liðið lagði Southampton á útivelli, 2:0.
Arsenal er í níunda sæti deildarinnar með 43 stig, sex stigum á eftir Manchester United sem er í fimmta sæti. Southampton er í fjórtánda sæti með 37 stig.
Svipmyndir úr leiknum má sjá í spilaranum hér fyrir ofan en mbl.is færir ykkur efni úr enska boltanum í samvinnu við Símann sport.