Hæstánægður með að komast í undanúrslit

Ole Gunnar Solskjær, knattspyrnustjóri Manchester United, var að vonum kátur eftir að liðið tryggði sér sæti í undanúrslitum ensku bikarkeppninnar í fótbolta með 2:1-sigri á Norwich á útivelli í framlengdum leik í gær. 

Frétt af mbl.is

United í undanúrslit eftir framlengingu

„Svona er bikarinn, þetta var ekki besti leikurinn en við héldum boltanum ágætlega. Við náðum hins vegar ekki að skapa mörg færi, en ég er hæstánægður með að vera kominn í undanúrslit og það var gott fyrir Maguire að ná að skora,“ sagði Solskjær, en Harry Maguire skoraði sigurmarkið á 118. mínútu.  

„Ég notaði marga leikmenn sem spiluðu ekki síðasta leik og það var gott fyrir þá að fá 90 eða 120 mínútur, það gerir þeim gott. Ég hef mikla trú á að sömu leikmenn geti spilað á móti Brighton í næstu viku,“ sagði Norðmaðurinn, en Odion Ighalo skoraði fyrra mark liðsins. 

„Það er gott að geta gert breytingar. Martial kom inn á og spilaði virkilega vel og Ighalo er góður kostur sem skorar mörk,“ sagði sá norski. 

• Blogga um frétt