Tottenham ætlar ekki að áfrýja

Tottenham ætlar ekki að áfrýja niðurstöðu enska knattspyrnusambandsins sem úrskurðaði miðjumanninn Eric Dier í fjögurra leikja bann og sektaði hann um 40 þúsund pund fyr­ir hegðun sína eft­ir leik Totten­ham og Norwich í enska bik­arn­um í mars.. Þetta staðfesti José Mourinho, stjóri Lundúnaliðsins, á blaðamannafundi sínum í dag.

Frétt af mbl.is

Fjögurra leikja bann fyrir að slást við áhorfanda

Tottenham mætir Bournemouth á morgun en Dier verður fjarri góðu gamni. Hann getur spilað lokaleik liðsins gegn Crystal Palace og svo auðvitað hafið næsta keppnistímabil án þess að vera í banni. Mourinho vill frekar hafa það þannig en að hætta á að bann Englendingsins verði lengt.

„Ef þú áfrýjar er hætta á að bannið lengist, hann mun allavega eins og er byrja næsta tímabil án þess að vera í banni,“ sagði portúgalski þjálfarinn við fjölmiðla. „Við vitum öll hvernig þetta virkar með úrskurði sambandsins. Þið getið séð hlutfallið af áfrýjunum sem vinnast! Við munum ekki áfrýja.“

• Blogga um frétt