Jürgen Klopp knattspyrnustjóri Liverpool er allt annað en sáttur við ummæli Jamie Carragher, en Carragher, sem á sínum tíma lék yfir 700 leiki með Liverpool, gagnrýndi Klopp í vikunni.
Sagði Carragher að Klopp hafi gert mistök með að kaupa ekki miðvörð í félagaskiptaglugganum en eftir meiðsli Virgil van Dijk eru fáir miðverðir til taks hjá liðinu. Klopp var allt annað en sáttur þegar hann var spurður út í ummælin.
„Það er erfitt að vera með fjóra heimsklassa miðverði, fyrir það fyrsta væri það mjög dýrt og í öðru lagi myndi í það minnsta einn þeirra ekki spila mikið og þá koma upp vandamál. Það er ástæða fyrir því Carragher og þeir eru í sinni vinnu, en ekki í minni vinnu,“ sagði Klopp pirraður.