Chelsea heimsækir Newcastle í ensku úrvalsdeildinni í fótbolta klukkan 12:30. Chelsea hefur verið á miklu skriði og unnið fjóra leiki í röð og ekki tapað í átta leikjum í röð í öllum keppnum.
Frank Lampard knattspyrnustjóri Chelsea ræddi við Tómas Þór Þórðarson hjá Símanum sport og kvaðst ánægður með liðið síðustu vikur. Chelsea hefur varla fengið á sig mark eftir að Edouard Mendy kom inn í liðið ásamt Thiago Silva, en Lampard segir málið ekki svo einfalt að þeir hafi breytt öllu.
Þá fór Lampard yfir víðan völl en viðtalið má sjá í heild sinni hér fyrir ofan en mbl.is færir ykkur efni úr enska boltanum í samvinnu við Símann sport.