Sonur minn fengi ekki að borða eftir svona hegðun
Setja bókamerki
Ole Gunnar Solskjær, knattspyrnustjóra Manchester United, var ekki skemmt yfir hegðun Heung-min Son, leikmanns Tottenham, í leik liðanna í ensku úrvalsdeildinni í dag.
Mark var dæmt af United í fyrri hálfleik eftir að Scott McTominay rak höndina aðeins í andlit Suður-Kóreumannsins í aðdraganda marksins. Chris Kavanagh dómari horfði á atvikið aftur með aðstoð myndbandsdómgæslunnar og ákvað að dæma aukaspyrnu frekar en að leyfa markinu að standa.
„Leikurinn er farinn, gjörsamlega farinn!“ sagði gáttaður Solskjær í samtali við Sky Sports eftir leik. „Þetta var fullkomlega löglegt mark,“ bætti hann við. Þá var Norðmaðurinn sérlega ónáægður með viðbrögð Son í kjölfar atvikisins en sóknarmaður lá lengi á vellinum og þurfti meðal annars aðhlynningu frá læknateyminu.
„Ef sonur minn lægi í grasinu í þrjár mínútur og þyrfti tíu liðsfélaga til að koma sér á fætur eftir svona högg myndi ég ekki gefa honum að borða eftir það!“ bætti Solskjær við, þó vonandi ekki af fullri alvöru.
Gígbarmurinn hækkað frá því í gær
Telur forsendur fyrir vaxtalækkun
Strand skemmtiferðaskips kallar á erlenda aðstoð
Nemendur í HÍ reistu tjaldbúðir án leyfis
Skiptir miklu meira máli en fólk grunar
„Höfum ekki náð að skríða upp úr þeirri gryfju“
Banna mengandi búnað sem leyfður er á Íslandi
Væri að ljúga ef ég segðist ekki stressaður