Enska knattspyrnusambandið mun ekki refsa franska knattspyrnustjóranum Patrick Vieira fyrir að sparka í stuðningsmann Everton. Stuðningsmaðurinn veittist að Vieira, sem stýrir Crystal Palace, eftir leik liðanna í ensku úrvalsdeildinni 19. maí.
Everton vann 3:2 og tryggði sér áframhaldandi veru í deild þeirra bestu í leiðinni. Eftir leik fjölmenntu stuðningsmenn félagsins inn á völlinn.
Einn þeirra ákvað að gera gys að Vieira, ögra honum og hreyta ókvæðisorðum í hann þegar franski stjórinn var að reyna að ganga af velli. Vieira sparkaði stuðningsmanninn þá niður.
Lögreglan rannsakaði málið í stutta stund en ákvað að aðhafast ekki frekar. Nú hefur enska knattspyrnusambandið gert slíkt hið sama.