„Þetta snýst um það hvernig við spilum“

„Þetta snýst ekki um það hvort Arsenal tapi fyrir Manchester United. Þetta snýst um það hvernig við spilum. Ef við spilum eins og við gerðum í fyrri hálfleik gegn Tottenham munum við hvort sem er ekki ná þeim,“ sagði Pep Guardiola, knattspyrnustjóri enska úrvalsdeildarfélagsins Manchester City, um möguleika liðsins til að vinna Englandsmeistaratitilinn.

„Við erum samt í öðru sæti og við erum ekki 25 stigum á eftir þeim. Það eru enn 57 stig í pottinum en ef við spilum eins og við gerðum í fyrri hálfleik gegn Tottenham þá eigum við ekki möguleika, því miður.“

„Við munum komast í sögubækurnar fyrir margt sem við höfum gert en sá tími er liðinn. Nú erum við hér og okkar stuðningsmenn vilja oftar sjá frammistöðuna sem við sýndum í seinni hálfleik gegn Tottenham.“

• Blogga um frétt