Fimm af sjö leikjum sem spilaðir voru klukkan þrjú í dag í ensku bikarkeppni karla í knattspyrnu lauk með jafntefli og þurfa þau lið því að leika aftur.
Fulham og Sunderland gerðu 1:1 jafntefli á Craven Cottage, heimavelli Fulham. Jack Clarke kom Sunderland-liðinu yfir strax á 6. mínútu en Tom Cairney jafnaði metin fyrir Fulham á 61. mínútu og við stóð.
Southampton var eitt af tveimur liðum sem vann sinn leik með 2:1 heimasigri á Blackpool. Romain Perraud setti bæði mörk Southampton-liðsins en lánsmaður frá Arsenal, Charlie Patino, setti mark Blackpool.
Önnur úrslit frá bikarnum:
Blackburn - Birmingham 2:2
Bristol City - West Brom 3:0
Ipswich Town - Burnley 0:0
Sheffield Wednesday - Fleetwood Town 1:1
Luton Town - Grimsby Town 2:2