Arena-deildin hefst á miðvikudaginn

Arena-deildin í Rocket League.
Arena-deildin í Rocket League. Grafík/Rafíþróttasamtök Íslands

Arena-deildin hefur göngu sína á miðvikudaginn en á tímabilinu etja kappi átta af sterkustu liðum Íslands í Rocket League.

Keppnistímabilið í úrvalsdeildinni stendur yfir í sjö vikur. Öll átta liðin mætast í tvígang.

Sex efstu lið deildarkeppninnar mætast síðan í úrslitakeppni þegar deildarkeppni er lokið. Þá verður sigurvegarinn krýndur Íslandsmeistari í Rocket League.

Spila upp á sæti sitt

Liðið sem endar í sjöunda sæti í deildarkeppninni fer í umspil um sæti sitt í Arena-deildinni á næstu leiktíð. Hins vegar dettur liðið í áttunda sæti niður í fyrstu deild.

Í Arena-deildinni mætir ríkjandi Íslandsmeistari, LAVA Esports, nokkrum nýliðum. Liðin BluelaGOONS og Pushin P. eru hvort um sig að keppa í deildinni í fyrsta sinn.

Liðin sem keppa í deildinni eru eftirfarandi:

LAVA esports

Midnight Bulls

Breiðablik

Þór

354 eSports

Breaking Sad

BluelaGOONS

Pushin P.

Fylgst með í beinni útsendingu

Sýnt verður frá viðureignum deildarinnar tvisvar í viku, á miðvikudögum og föstudögum klukkan 19:30.

Hægt verður að fylgjast með viðureignunum í beinni útsendingu á Twitch-rás Rocket League-samfélagsins á Íslandi. Þar fyrir utan verður hægt að fylgjast með í beinni útsendingu á föstudögum á Stöð2 Esports.

mbl.is
Loka