Atvinnukylfingurinn Michelle Wie dró sig úr keppni á Canadian Pacific Open í gær vegna botnlangabólgu. Wie var jöfn í 23. sæti fyrir síðasta hringinn og sex höggum á eftir forystusauðnum. Hún lagðist undir hnífinn í morgun á sjúkrahúsinu í Ottawa þar sem botnlanginn var fjarlægður.
Wie er 27 ára gömul og var hluti af sigurliði Bandaríkjanna í Solheim-bikarnum um síðustu helgi, en hún hefur fjórum sinnum unnið í LPGA-mótaröðinni.
Michelle Wie birti mynd af sér á Twitter rétt í þessu, þar sem hún segist vera öll að braggast.
My appendix is out of my body! Been a scary 24 hrs but I just wanna thank the medical staff here in Ottawa for making me feel comfortable! pic.twitter.com/XFlamr8l0z
— Michelle Wie (@themichellewie) August 28, 2017