Það er óhætt að segja að mikil eftirvænting ríki fyrir leik Selfoss og Hauka í úrslitaeinvíginu um Íslandsmeistaratitil karla í handbolta.
Liðin mætast í fjórða sinn á Selfossi annað kvöld, miðvikudagskvöld, kl. 19.30. Selfyssingar eru 2:1 yfir í einvíginu og geta því orðið Íslandsmeistarar í fyrsta sinn í sögunni með því að vinna á morgun.
Forsala miða á leikinn var í kvöld og myndaðist löng röð eins og sjá má á Twitter-síðu Selfyssinga. Patrekur Jóhannesson, þjálfari Selfoss, mun hafa spurt hvort leikurinn væri ekki örugglega á morgun.
"Er leikirinn ekki á morgun?" Spurði Patti. Einhver er nú áhuginn.#Handbolti #olisdeildin #selfosshandbolti #röðin pic.twitter.com/gbmiWnQDcQ
— Selfoss handbolti (@selfosshandb) May 21, 2019
Ef Haukar vinna á morgun mætast liðin í oddaleik á Ásvöllum á föstudagskvöld.