Handknattleiksmaðurinn Anton Rúnarsson er íþróttamaður ársins hjá Val. Anton hefur verið einn besti leikmaður Valsliðsins undanfarin ár.
Anton var markahæsti leikmaður Vals á síðustu leiktíð og skoraði 120 mörk í 20 leikjum í Olísdeildinni og átti stóran þátt í að Valur varð deildarmeistari.
Anton skoraði 17 mörk í fjórum leikjum á þessari leiktíð áður en allt mótahald var sett á ís vegna kórónuveirunnar.