Björgvin Páll Gústavsson var í íslenska landsliðinu sem vann silfur á Ólympíuleikunum árið 2008 og brons á EM 2010. Alexander Petersson var það sömuleiðis og þeir unnu enn og aftur til verðlauna saman er Valur varð Evrópubikarmeistari með sigri á Olympiacos í vítakeppni í kvöld.
„Þetta er aðeins óraunverulegt. Ég stóð við hliðina á Alexander Petersson og nú erum við saman búnir að ná í gull, silfur og brons. Það var fallegt að fatta það á pallinum að ég stóð síðast með honum árið 2010 á EM.“
Eftir Ólympíuleikana gaf Björgvin út gellínuna Silver með Loga Geirssyni sem var einnig í Ólympíuliðinu 2008. En er gellínan Gold á leiðinni núna?
„Það er aldrei að vita,“ sagði Björgvin og hló dátt.