„Samtök iðnaðarins fagna því að peningastefnunefnd Seðlabankans hafi ákveðið að lækka vexti bankans um 0,25 prósentur,“ segir í tilkynningu frá Samtökum iðnaðarins. Að mati SI er full ástæða til að halda vaxtarlækkunarferlinu áfram.

Frétt af mbl.is

Lækka vexti um 0,25 prósentur

Samtök iðnaðarins telja lækkun stýrivaxta Seðlabankans mikilvæga aðgerð til þess að hjálpa heimilum og fyrirtækjum að takast á við samdrátt í efnahagslífinu. Með lægri vöxtum megi meðal annars efla fjárfestingu og nýsköpun, auka kaupmátt og draga úr atvinnuleysi.

„Verðbólgan er að hjaðna, verðbóluhorfur hafa batnað og verðbólguvæntingar hafa verið að lækka og stefna í 2,5% verðbólgumarkmið Seðlabankans. Langtímaverðbólguvæntingar á markaði eru nú rétt við verðbólgumarkmiðið,“ segir í tilkynningunni. Að mati SI gefur þetta peningastefnunni töluvert svigrúm til að milda þá niðursveiflu sem nú er hafin.

Þá segir í tilkynningunni að næsta vaxtaákvörðun peningastefnunefndar Seðlabankans verði kynnt 28. ágúst nk. og að mati Samtaka iðnaðarins sé full ástæða til að halda vaxtalækkunarferlinu áfram

Tengdar fréttir

Vextir á Íslandi

Vendingar vestanhafs geti haft áhrif hér heima

• Vaxtahækkanir flýti fyrir því að þenslan minnki
• „Ekki það sem þjóðin þarf á að halda“
• Íslandsbanki hækkar vexti
• Spá því að verðbólgan lækki í 5,7%

» Fleiri tengdar fréttir

• Blogga um frétt