Greiningardeild Íslandsbanka spáir því að stýrivextir verði lækkaðir um 0,5 prósentustig við næstu vaxtaákvörðun á miðvikudag. Gangi spáin eftir verða meginvextir bankans, vextir á sjö daga bundnum innlánum, 1,25%. Stýrivextir voru lækkaðir tvívegis á tveggja vikna tímabili í mars, samtals um eitt prósentustig eru þeir nú 1,75%. Hafa þeir aldrei verið lægri.

Í þjóðhagsspá greiningardeildarinnar, sem birt var í gær, er því spáð að stýrivextir fari áfram lækkandi fram eftir ári og verði 0,75% í lok september. Þá verði atvinnuleysi að meðaltali 9,6% í ár. 

Frétt af mbl.is

Lækka vexti í 1,75% - aukið svigrúm banka til lánveitinga

Í tilkynningu frá greiningardeildinni segir að nú séu liðnir tæpir tveir mánuðir frá síðustu vaxtaákvörðun peningastefnunefndar og á þeim tíma hafi skammtímahorfur í efnahagslífinu dökknað jafnt og þétt á sama tíma og verðbólga og verðbólguhorfur hafi haldist tiltölulega stöðugar. „Það er því að okkar mati full ástæða til þess að stíga frekara skref í áttina að auknum slaka í peningastefnunni.“

Verðbólga mældist 2,2% í apríl og hefur ekki breyst að viti frá því kórónuveirufaraldurinn reið yfir þrátt fyrir að gengi krónunnar hafi veikst um nær 15%. Segir greiningardeildin að ýmsir þættir skýri það, meðal annars lækkun olíuverðs á heimsvísu, minni hækkun íbúðaverðs og minni eftirspurn almennt, sem dregur úr verðþrýstingi.

Frétt af mbl.is

„Djúpt en von­andi stutt sam­drátt­ar­skeið“

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt