Birgðu sig upp af golfkúlum

Allir ættu að geta fundið bolta við hæfi, segir Hans …
Allir ættu að geta fundið bolta við hæfi, segir Hans Henttinen. mbl.is/Brynjar Gauti

Vegna viðvarandi tafa í framleiðslu og siglingum frá Asíu vegna faraldursins ákvað golfverslunin Golfskálinn að birgja sig upp af golfboltum í vetur til að eiga örugglega nóg til þegar golfarar þessa lands stefna skóm sínum út á golfvöll nú í vor.

Hens Henttinen, annar eigenda verslunarinnar, segir í samtali við Morgunblaðið að pantaðar hafi verið hálfs árs birgðir af boltum.

„Ég held að ástandið verði betra nú í sumar en í fyrra. Það verður samt örugglega skortur á einhverjum tegundum. Við erum vonandi í góðum málum, en það þarf ekki nema ein verksmiðja að lokast útaf Covid til að allt fari í baklás,“ segir Hans.

Hann segir að öllum gámum sem hann átti von á í mars hafi nú verið seinkað til maí.

Hans segir að til dæmis hafi vinsælasti boltinn, Super Soft frá Callaway, verið ófáanlegur hjá framleiðanda í einn og hálfan mánuð síðasta sumar vegna lokunar á einni verksmiðju. „Það ættu samt allir að fá bolta við sitt hæfi. Margir taka ástfóstri við ákveðna bolta og geta því átt erfitt með að skipta um tegund.“

Á líka við um kylfur

Hans segir að vandamálin í aðfangakeðjum heimsins snúi einnig að fleiri golfvörum, enda hafa vinsældir íþróttarinnar vaxið mikið í faraldrinum. „Það hefur verið mikil seinkun á kylfum frá mörgum framleiðendum af ýmsum Covid-tengdum ástæðum. Það þarf t.d. ekki nema skaft að vanta í eina kylfu til að heilt golfsett sé ekki fáanlegt í einhvern tíma.“

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 2.090 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK