Skaginn 3X gerir vinnsludekk fyrir HB Granda
Setja bókamerki
Tengdar fréttir
Endurnýjun skipaflotans
Skaginn 3X og HB Grandi hafa gert með sér samkomulag þar sem Skaginn 3X mun bera ábyrgð á vinnsludekkinu um borð í nýju frystiskipi HB Granda.
Þetta er fjórði samningurinn milli fyrirtækjanna sem heildarlausn um borð í nýjum skipum HB Granda, en fyrirtækin hafa áður gert með sér samning um heildarlausnir um borð í systurskipin Engey, Akurey og Viðey, en þau skip hafa hlotið verðskuldaða athygli hvað varðar hugvit, sjálfvirkni og afurðagæði, að því er fram kemur í tilkynningu frá Skaganum 3X.
Styðji við nýjar og auknar kröfur
Mikill sveigjanleiki verður um borð hvað varðar vinnslu á mismunandi tegundum, fjölbreyttum vinnsluaðferðum og pökkunarmöguleikum.
„Vatnsskurður mun gera það að verkum að unnt verður að framleiða afurðir sem almennt þekkjast ekki um borð í frystiskipum. Það er mjög mikilvægt að hönnun á vinnslubúnaði, þ.m.t. pökkun, frysting og brettun styðji við nýjar og auknar kröfur markaðarins“ segir Jón Birgir Gunnarsson, markaðs- og sölustjóri hjá Skaganum 3X.
Skipið smíðað á Spáni
Spænska skipasmíðastöðin Astilleros Armon Gijon, S.A., annast smíði skipsins og mun stöðin afhenda vinnsludekkið frá Skaganum 3X sem hluta af heildarlausn til HB Granda. Skaginn 3X mun annast afhendingu á vinnsludekkinu í heild sinni, þar sem hluti búnaðar mun koma frá undirverktökum Skaginn 3X, svo sem Vélfag, Marel og Afak.
Ingólfur Árnason, framkvæmdastjóri Skagans 3X, segir að samningurinn og þessi einstaka hönnun á vinnsluskipinu sé afrakstur góðrar samvinnu milli Skaginn 3X og HB Granda.
Tengdar fréttir
Endurnýjun skipaflotans
Breytingar á skipulagi fréttadeildar RÚV
Krefjast stöðvunar framkvæmda
/frimg/1/29/32/1293273.jpg)
Ekki af baki dottinn og ætlar að opna B5 aftur
Væri að ljúga ef ég segðist ekki stressaður
Mál hjúkrunarfræðingsins fer aftur fyrir héraðsdóm
„Höfum ekki náð að skríða upp úr þeirri gryfju“
Norskur lögreglumaður dæmdur