Akurey komin til hafnar

Varðskipið Þór er nú komið til Reykjavíkur með ísfisktogarann Akurey AK-10 sem varð vélarvana djúpt vestur af Vestfjörðum í gærmorgun. Þegar beiðni um aðstoð barst Landhelgisgæslunni, á sjöunda tímanum í gærmorgun, var Þór í tæplega 70 sjómílna fjarlægð en hann var þá staddur á Bíldudal.

Um klukkan 13 í gær var Þór kominn á vettvang og greiðlega gekk að koma taug á milli skipanna. Að því búnu hélt varðskipið áleiðis til Reykjavíkur með Akurey í togi en siglingin til Reykjavíkur heppnaðist vel og tók tæpan sólarhring, að því er fram kemur í tilkynningu frá Landhelgisgæslunni.

Varðskipið Þór siglir á brott frá Akurey um hádegi í dag. mbl.is/Kristinn Magnússon

Þór kom með Akurey AK-10 að Engey á tólfta tímanum í dag en þá tóku dráttarbátar Reykjavíkurhafnar við og drógu skipið að bryggju.

Drepið var á aðalvélinni eftir að svo­kölluð und­ir­lyftu­stöng í vél skipsins brotnaði. Vélstjórar skipsins könnuðu þá hvort orðið höfðu meiri skemmd­ir en þeir eru vongóðir um að svo sé ekki. Gangi allt að ósk­um ætti viðgerð að ljúka á morgun.

Frétt af mbl.is

Vongóðir um litlar skemmdir

• Blogga um frétt