Þrír laxar í netum við eldiskvína

Göt fund­ust á föstudag á sjókví­um lax­eld­is­fyr­ir­tæk­is­ins Arn­ar­lax í Tálknafirði ...
Göt fund­ust á föstudag á sjókví­um lax­eld­is­fyr­ir­tæk­is­ins Arn­ar­lax í Tálknafirði við reglu­bundið eft­ir­lit starfs­manna. mbl.is/Kristinn Ingvarsson

Enginn lax hefur fundist í netum sem lögð voru með ströndinni í Tálknafirði í námunda við eldisstöð Arnarlax. Göt fund­ust á föstudag á sjókví­um lax­eld­is­fyr­ir­tæk­is­ins Arn­ar­lax í Tálknafirði við reglu­bundið eft­ir­lit starfs­manna. Viðbragðsáætl­un var virkjuð og voru rek­n­et lögð út við kvína til að koma í veg fyr­ir að fisk­ur slyppi út. Ekki ligg­ur fyr­ir hversu marg­ir fisk­ar hafa sloppið.

Í tilkynningu frá Arnarlaxi segir að sérfræðingur Fiskistofu hafi vitjað neta sem lögð voru með ströndinni í Tálknafirði í námunda við eldisstöðina. Enginn lax var í netunum þar en einn lax fannst í netunum sem lágu við eldiskvína sjálfa.

Snemma í morgun var ákveðið að bæta við fleiri netum innar í firðinum og klukkan níu var aftur vitjað um öll net á svæðinu sem öll reyndust tóm. „Öll net við ströndina í Tálknafirði hafa verið fjarlægð en áfram verða 12 net úti við kvína en heildarfjöldi neta í aðgerðum Arnarlax og Fiskistofu voru, þegar mest lét, um 20 talsins víðs vegar í Tálknafirði og heildarfjöldi laxa sem veiddist voru í heildina 3,“ segir í tilkynningu. 

Forsvarsmenn fyrirtækisins meta það svo við fyrstu sýn að ekki sé um stóra sleppingu að ræða þó áfram verði leitað eftir laxi á svæðinu.

Von er á sérfræðingum frá Matvælastofnun á morgun þar sem farið verður yfir tjónið á netpoka og áfram unnið að upplýsa um orsök óhappsins. Talið er að bil­un hafi komið upp í upphíf­inga­kerfi neta­poka með þeim af­leiðing­um að rof myndaðist í net­inu og göt komu á kvína.

mbl.is
Afurð Dags. Meðalverð
Þorskur, óslægður 13.12.18 310,69 kr/kg
Þorskur, slægður 13.12.18 332,24 kr/kg
Ýsa, óslægð 13.12.18 247,64 kr/kg
Ýsa, slægð 13.12.18 255,65 kr/kg
Ufsi, óslægður 13.12.18 95,57 kr/kg
Ufsi, slægður 13.12.18 110,84 kr/kg
Djúpkarfi 6.12.18 307,00 kr/kg
Gullkarfi 13.12.18 362,47 kr/kg
Litli karfi 24.10.18 17,00 kr/kg
Blálanga, óslægð 13.12.18 233,00 kr/kg

Fleiri tegundir »

14.12.18 Gullver NS-012 Botnvarpa
Karfi / Gullkarfi 246 kg
Ufsi 104 kg
Hlýri 43 kg
Samtals 393 kg
13.12.18 Grímsey ST-002 Dragnót
Ýsa 9.758 kg
Skarkoli 312 kg
Sandkoli 282 kg
Þorskur 125 kg
Samtals 10.477 kg
13.12.18 Skúli ST-075 Landbeitt lína
Þorskur 6.827 kg
Ýsa 3.036 kg
Samtals 9.863 kg
13.12.18 Sæli BA-333 Lína
Þorskur 3.042 kg
Ýsa 61 kg
Samtals 3.103 kg

Skoða allar landanir »