Mikil endurnýjun uppsjávarskipa

Floti íslenskra uppsjávarskipa hefur verið endurnýjaður verulega á síðustu árum og eru skipin orðin mun öflugri en fyrir um áratug. Ekki er vanþörf á, því ekki þykir tiltökumál þótt skipin komi að landi með yfir samtals 500 þúsund tonn á ári af loðnu, síld, makríl og kolmunna.

Oft er sótt um langan veg, eins og t.d. langt suður fyrir Færeyjar og vestur af Írlandi eftir kolmunna eða í Síldarsmuguna austur af landinu eftir makríl og síld, og loðnuvertíð er yfirleitt snörp á tíma þegar allra veðra getur verið von frá áramótum og fram í mars. Skipin eru rúmlega 20 og sum þeirra eru ekki mikið notuð þar sem útgerðirnar hafa keypt önnur hentugri, en eldri skipin koma í góðar þarfir eftir kvóta- og verkefnastöðu.

Í vikunni bárust fréttir um að Síldarvinnslan og Samherji hefðu samið um nýsmíði í Danmörku og eiga nýju skipin að koma til landsins árið 2020.

Í Morgunblaðinu í dag er fjallað nánar um íslenska uppsjávarflotann.