Ný Skipaskrá mun kosta 30 milljónir

Upplýsingatæknifyrirtækið Advania varð hlutskarpast í útboði Ríkiskaupa á smíði nýrrar skipaskrár fyrir Samgöngustofu.

Sigrún Ámundadóttir, framkvæmdastjóri hugbúnaðalausna Advania, segir í samtali við ViðskiptaMoggann að þrjú tilboð hafi verið metin hæf, en Advania hafi boðið lægst, 30 milljónir króna.

Nýja kerfið á, samkvæmt upplýsingum frá Advania, að sameina sjálfa skipaskrána sem heldur utan um upplýsingar um stærð og staðsetningar skipa, og lögskráningu sjómanna á skipum með upplýsingum um hvern skipverja. Skráin hefur fengið nafnið Skútan og er áætlað að hún verði komin í gagnið í ágúst 2019. Mun hún sameina tvo mikilvæga leitar- og skráningagagnagrunna sem notaðir eru af starfsmönnum Samgöngustofu. „Þarna er verið að leysa af hólmi skipaskrá sem er í gamalli og úreltri tækni,“ segir Sigrún. tobj@mbl.is